Irrintziak, batukada eta etxeko elektrizitatea: Ekialdeko Barrutiko Jabekuntza Eskolak udazkeneko izen-ematea zabaldu du

Ekialdeko Barrutiko Emakumeen Jabekuntza Eskola itzuli da udazken honetan, bost jarduerarekin Intxaurrondon, Altzan eta Bidebietan, iraila eta abendua bitartean. Guztiak doakoak dira. Barrutiko Berdintasun Lan Taldeak antolatzen du, Udaleko Berdintasun Atalarekin lankidetzan, eta 2020tik ari da, udaberriko eta udazkeneko egitarau banarekin.

Nola eman izena

Izen-ematea zabalik dago dagoeneko, jabekuntza.ekialde@gmail.com helbidera idatzita edo 623 307 159 telefonora deituta. Lehen jarduera irailaren 30ean, asteazkenean, hasiko da.

Bost jarduerak

Hil arte bizi. Lau tailer Nere Erkiagarekin, jaiotzaren eta heriotzaren inguruko erabaki praktikoei buruz, prozesu horiek beldur gutxiagorekin bizitzeko.
- Noiz: irailaren 30ean eta urriaren 7an, 14an eta 21ean, 17:30etik 20:00etara.
- Non: Intxaurrondoko kultur etxea.
- Hizkuntza: euskara.

Batukada feminista. Ainara Sarasketa eta Arantza Albizurekin.
- Noiz: urriaren 13an eta 27an, azaroaren 10ean eta 24an eta abenduaren 15ean, 17:00etatik 19:00etara.
- Non: Larratxoko kultur etxea.
- Hizkuntza: elebiduna.

Etxeko elektrizitatea eta erreminten erabilera. Amaia Sara Saenz Escribanorekin, etxean konponketak egiten ikasteko eta beldurra galtzeko.
- Noiz: azaroaren 10ean, 17an eta 24an eta abenduaren 1ean, 18:00etatik 20:00etara.
- Non: Tomasene kultur etxea, Altzan.
- Hizkuntza: euskara.

Irrintzi ikastaroa. Arratsalde bat Amaia Garcia Uriondorekin, irrintziak botatzen ikasteko eta ohitura hori berreskuratzeko.
- Noiz: azaroaren 12an, 18:00etatik 20:00etara.
- Non: Kontadores, Bidebietan.
- Hizkuntza: euskara.

Andre Zaharraren manifestua. Mari Luz Estebanen zahartzaroari eta feminismoari buruzko poema-liburutik Lur Olaizolak zuzendutako ikus-entzunezko piezaren emanaldia, eta solasaldia egilearekin.
- Noiz: abenduaren 2an, 18:00etan.
- Non: Intxaurrondoko kultur etxea.
- Hizkuntza: euskara.