Eliraleren «Mamuka»
Bi dantzari sustrai eta intsektuen artean, agertu, desagertu eta berriro agertzen. Euskaraz, 3 urtetik aurrera.
Elirale taldeak Pantxika Telleria koreografoaren unibertsora garamatza. Izenburuak bi hitzekin jolasten du: mamu, zomorro handia, eta mamuka, taldean jokatzen den haur-joko sinple bat, ezkutatzean eta berriro agertzean datzana.
Hortik abiatuta, dantza-duo batek gorputz bat eraikitzen du, batean sustraia eta bestean intsektua, animaliaren eta gizakiaren artean. Agertu, desagertu eta berragertu: umorezko ikuspegi-jolas bat, basoko mundu ezkutuan eta bertako biztanleengan inspiratua, eta begiratzeko eta entzuteko denbora hartzen denean bazter berde horiek zenbat bizitza duten gogorarazten duena.
Lana
- Generoa: haurrentzako dantza.
- Emanaldia: abenduaren 13a, igandea, 17:30ean.
- Iraupena: 35 minutu.
- Hizkuntza: euskara.
- Adin gomendatua: 3 urtetik aurrera.
- Koreografia: Pantxika Telleria.
