Dinamo Danzaren «Qualia», Zinetikan
Hiru interprete, argia taupada gisa eta fisika kuantikoa atzean: gorputza lurralde aske gisa aldarrikatzen duen pieza.
Donostia Kultura (nota de prensa)
Duela ehun urte, mekanika kuantikoak errealitatea begiratzeko modua aldatu zuen: ikuspegi klasiko eta bitarrarekin hautsi, eta birtualak fisikoari lekua kentzen dion aurrerapen teknologikoari ireki zion atea. Dinamo Danza konpainia nafarraren «Qualia» lanak galdetzen du zer leku geratzen zaion gorputzari mundu horretan, eta zientzian oinarritzen da gorputza lurralde aske gisa aldarrikatzeko, genero, klase eta arraza rolik gabe, errealitate berriak sortzeko gai.
Pieza ohar-koaderno bat bezala dabil, ideien, ikurren, metaforen eta irudien glosario bat. Argia da taupada, gorputza ardatza eta mugimendua bidea. Gorputza hiru geruzatan agertzen da —ikusten dena, larruazaletik barrura dagoena eta ikusten ez dena: energia-eremuak, maiztasunak, pentsamenduak— eta, osotasunean, inguratzen duen argiarekin bat egiten duen energia-fluxu gisa. Koordinazio zientifikoa Joaquín Sevillarena da.
Gazteszenara dator, Zinetika Festivalen barruan, zinema eta dantzaren jaialdian, apirilean Nafarroako dantza garaikidearen jaialdian estreinatu ondoren.
Lana
- Emanaldia: abenduaren 11n, ostiralean, 19:00etan (paperezko programak 19:30 dio), Gazteszenan, Egia Kultur Etxean.
- Zuzendaritza artistikoa: Carmen Larraz. Laguntza artistikoa: Bertha Bermúdez.
- Sorkuntza eta interpretazioa: Jaione Azkona, Aimar Odriozola eta Carmen Larraz.
- Koordinazio zientifikoa: Joaquín Sevilla.
- Antolatzaileak: Zinetika Festival eta Donostia Kultura.
Non dagoen
Iruzkinak
Iruzkinik ez
Oraindik ez dago iruzkinik. Han egon bazara, edo hurrengoari balioko dion zerbait badakizu, kontatu.
Iruzkina egin nahi duzu?
Iruzkinak egiteko kontu bat behar da, doakoa da eta minutu batean irekitzen da. Iruzkinak irakurtzeko, ez.