Antzerkia eta dantza Tabakalera
Xanti Agirrezabalaren «Satiro»
Erdi gizon, erdi animalia: Xanti Agirrezabalak satiroari ematen dio gorputza bakarkako bere lehen lanean. OFNI zikloa.
Satiroa sexu-instintu gordinenak irudikatzen dituen izakia da: basoetako jeinua, erdi gizon eta erdi animalia, aker-zangoak, adarrak eta isatsa dituena, ardoa edaten, jolasten eta dantzan dabilena. «Satiro» lanean irudi horrek zuzenean hitz egiten dio ikusleari: «Nik ditut zure desirak, zure fantasiak, zure erotika. Ni, zu naiz». Dena da haragia eta gorputza, izan eta ahazten den gorputza.
Xanti Agirrezabala euskal aktore eta sortzailearen bakarkako lehen antzezlana da, eta Kutxa Fundazioaren OFNI antzerki zikloaren barruan dago.
Lana
- Emanaldia: urriaren 8an, osteguna, 19:30etik 20:30era.
- Hizkuntza: euskara.
- Publikoa: orokorra, 14 urtetik aurrera.
- Sorkuntza eta interpretazioa: Xanti Agirrezabala.
- Kanpo begirada: Matxalen de Pedro.
