Infinitudramaren «Promesarik txikiena»
Lau lagun, ezkutuko lagun bat eta inoiz egindako promesa guztiak. Antzerkia euskaraz, kantuekin.
Zein da lagun bati egin diezaiokegun promesarik txikiena? Infinitudramak galdera horretatik abiatzen da: fikzioak elkartutako lau lagun, dir-dir egin dezaten prestatutako eszenatoki bat eta, airean, elkarri inoiz egindako promesa guztiak. Ezkutuko lagun batek opari bat dakar lagun anonimoen arteko ospakizun kritiko honetara.
Ikusleak eskutik —edo hobeto, hatz txikitik— helduta, lagun izatera jolasteko bidaia egiten dute, kantuarekin, pozarekin eta, nola ez, dezepzio pixka batekin.
Emanaldiak
- Egunak: irailaren 26an, larunbata, eta 27an, igandea, 19:30ean.
- Hizkuntza: euskara.
- Aktore sortzaileak: Intza Alkain, Maite Aizpurua Olaizola, Maiana Etxeberri Keufterian eta Ane Garcia Lopez.
- Zuzendaritza: Maite A. O. eta Matxalen de Pedro Larrea.
- Testua: talde sortzailea eta Eider Perez.
