Alkubi Garden

Lorezaintza zentroa Garbera merkataritza gunerako igoeran, saihesbidearen ondoan, Gipuzkoako garden urbanorik handiena dela dioena. Bost mila metro baino gehiago dira erakusgune, berotegi eta eraikin nagusi baten artean, loradenda, dekorazioa, maskoten saila eta taberna bat ere badituena.

Barruko eta kanpoko landareak daude, baratzerako landareak, fruta-arbolak eta landare aromatikoak, ongarriak, substratuak, loreontziak eta tresnak; maskoten aldean, janaria eta osagarriak, akuarioak eta terrarioak. Loradendak lore-sortak, hiletarako lorea —koroak, erdiko apaingarriak eta burkoak— eta ezkontza eta ekitaldietako dekorazioa egiten ditu, eta landareak alokatzen ditu enpresa festetarako eta filmaketetarako.

Lorategiak eta terrazak diseinatu eta zaintzen ditu, eta ikastaroak ematen ditu.

Praktikoa

Hirurogeita hamar auto baino gehiagorentzako aparkalekua du. Donostialdean banatzen du astelehenetik ostiralera; hamaikak baino lehen eskatutako sortak egun berean iristen dira. Igande eta jaiegunetan goizez irekitzen du, baina ordutegia urtaroarekin aldatzen da: hobe joan aurretik bere webgunean begiratzea.