Beldurrezko Astea 2026: egitarau osoa, egunez egun, eta noiz erosi abonuak eta sarrerak

Fantasiazko eta Beldurrezko Zinemaren 37. Asteak badu egitarau osoa. Urriaren 30etik, ostirala, azaroaren 6ra, ostirala, izango da; Norma Vilaren Salitre euskal filmak irekiko du, eta Rhys Frake-Waterfielden Pinocho desatado britainiarrak itxiko, biak Antzoki Zaharrean. Aurten 32 film luze, 33 film labur eta telebistako 6 atal dira; Antzoki Zaharra da sail ofizialaren egoitza, osorik proiektatzen baita, eta Victoria Eugenia, Tabakalera eta Okendo gainerakoetarako.

Behean dago dena, egunez egun eta saio bakoitzerako esteka batekin. Lehenik salmenta-egutegia hartu behar da kontuan, saio handiak agortu egiten baitira.

Abonuak eta sarrerak

• Abonuak: ostiral honetatik, urriaren 23tik, 9:00etatik aurrera, Antzoki Zaharreko leihatilan bakarrik (9:00etatik 13:30era eta 17:00etatik 20:00etara). 80 € balio dute, zenbakituak dira —eserleku bera Antzoki Zaharreko saio guztietan— eta katalogoa, ¡2000maníacos en la clínica del doctor Horror! fanzinea eta aurtengo bildumako liburua, El cuerpo como abismo, dakartzate. Abonuarekin Victoria Eugeniako saioetara ere sartzen da, aurretik leihatilatik gonbidapena hartuta. Kopurua mugatua da, eta gehienez lau abonu pertsonako.
• Sarrera solteak: urriaren 26tik, astelehena, 11:00etatik aurrera, Antzoki Zaharreko eta Victoria Eugeniako leihatiletan eta Donostia Kulturaren webgunean. 7,50 € balio dute, zenbakituak dira, eta lau saltzen dira gehienez pertsonako eta saioko. Doako saioak —Shin chan eta Izaki pixkat gardenak— gonbidapenarekin dira, egun berean eta leku beretan jasota.
• Tabakalerak bere saioak bere aldetik saltzen ditu: 4,50 €, bere leihatilan eta bere webgunean.
• Donostia Kultura txartelak % 10eko deskontua du. Deskontu bera dute, leihatilan eta sarrera baterako, langabeek, 30 urtetik beherakoek, pentsiodunek eta 65 urtetik gorakoek.

Abonutik kanpo geratzen dira 24ko Bang! Bang!, 27ko Kresala eta 29ko Samantha Hudsonen kontzertua.

Hasi aurretik

• Larunbata, 24, 19:30, Antzoki Zaharra. Bang! Bang! Zinemak Astearekin irekitzen du denboraldia: Matrix eta [REC] jarraian.
• Astelehena, 26, 19:00, Victoria Eugenia (Club aretoa). Flop Kultura zuzenean, Animedon irekitzen duen podcasta.
• Asteartea, 27, 19:00, Victoria Eugenia (Club aretoa). Stéphane Levalloisek zinemarako munstroak nola diseinatzen diren kontatuko du.
• Asteartea, 27, 19:30, Trueba. Mark Jenkinen Rose of Nevada, Kresala Zineklubarekin.
• Osteguna, 29, 20:00, Intxaurrondo Kultur Etxea. Samantha Hudson, kartelaren aurpegia, kontzertuan.

Ostirala, 30: inaugurazioa eta gau japoniarra

• 19:00, Victoria Eugenia. Puella Magi Madoka Magica. La noche de Walpurgis, Animedonen estreinaldia.
• 20:00, Antzoki Zaharra. Inaugurazioa: Imanol Olalderen Antxumeak film laburra, Oihua!-ren irabazlea, eta Salitre.
• 23:00, Antzoki Zaharra. Japan Gaua: Never After Dark, SXSWko publikoaren saria, eta HotSpring SharkAttack 2, marrazo klonatuak bainuetxe batean.

Larunbata, 31: Gau Beltza

• 11:30, Victoria Eugenia (Club aretoa). Hitzaldia: body horror-etik queer horror-era, Antonio José Navarrorekin, aurtengo liburuaren egilea.
• 12:00, Victoria Eugenia. Nire izena da Shin chan, Nekane Saroberekin, doan gonbidapenarekin.
• 16:30, Antzoki Zaharra. River.
• 17:00etatik 20:00etara, Boulevardeko kioskoa. Kaleko Gau Beltza: familientzako tailerrak eta, 19:30ean, balea-mamuaren prozesioa Kontxan barrena.
• 19:00, Victoria Eugenia. Grotesqqque, Animedonekoa.
• 19:30, Antzoki Zaharra. Black Sheeps, Zeelanda Berriko ardi hiltzaileak itzuli dira.
• 23:00, Antzoki Zaharra. Gau Beltza saioa: mozorro lehiaketa, Ghost in the Cell eta Sting of Death.

Igandea, 1: Hong Kong

• 11:30, Victoria Eugenia (Club aretoa). Visiones del Hong Kong fantástico hitzaldia.
• 16:00, Antzoki Zaharra. Focus Hong Kong: Back to the Past eta Ultimate Revenge.
• 19:00, Victoria Eugenia. Peleliu – Guernica of Paradise, Animedonekoa.
• 21:00, Antzoki Zaharra. Sanguine, Canneseko gauerdiko saioetatik datorrena.
• 23:30, Antzoki Zaharra. The Glorious Dead.

Astelehena, 2

• 16:00, Antzoki Zaharra. Nazioarteko film laburren maratoia.
• 19:30, Antzoki Zaharra. Bloody Tennis.
• 22:30, Antzoki Zaharra. El diablo sabe tu nombre.

Asteartea, 3

• 16:30, Antzoki Zaharra. Animaziozko film laburren maratoia.
• 18:30, Okendo Kultur Etxea. Fracasando con todo éxito, Conflictivos Productionsen 25 urteak.
• 19:00, Victoria Eugenia. Euskal film laburren maratoia, egileek aurkeztuta.
• 19:30, Antzoki Zaharra. Upiro.
• 22:30, Antzoki Zaharra. L'estranea, Italiak Oscarretarako aurkeztu duena.

Asteazkena, 4

• 16:30, Antzoki Zaharra. Espainiar film laburren maratoia.
• 19:00, Tabakalera. The Black Magic with Buddha, 4Kn zaharberrituta.
• 19:30, Antzoki Zaharra. What Happened to Doris?
• 22:30, Antzoki Zaharra. La muerte de Drácula.

Osteguna, 5

• 16:30, Antzoki Zaharra. No Rest for the Wicked.
• 19:00, Victoria Eugenia. Izaki pixkat gardenak, hiru atal Primeranera iritsi baino lehen. Doan, gonbidapenarekin.
• 19:30, Antzoki Zaharra. Crawlers.
• 22:30, Antzoki Zaharra. Impostores.

Ostirala, 6: itxiera

• 12:00, Victoria Eugenia (Club aretoa). Ramón Saldíasekin topaketa.
• 16:30, Antzoki Zaharra. Kárate contra mafia, Saldíasek berak zuzenean komentatuta.
• 19:00, Tabakalera. Ladislao Vajdaren El cebo.
• 20:00, Antzoki Zaharra. Itxiera: sari banaketa eta Pinocho desatado.

Eta beste bat gainera: azaroaren 7an, larunbata, 19:00etan, Astea itxita dagoela, Tabakalerak John Wooren Hard Boiled emango du.

Aste osoan

• Fanzineen Gerra, hamaikagarren edizioa, Antzoki Zaharrean: Asteari buruzko ale bereziak ateratzen dituzten fanzineak, publikoaren faborea lortzeko lehian.
• Erakusketak: Hyakki yagyō, Fuego Fatuo Arten ehun deabruak, San Jeronimo kaleko liburutegian (urriaren 30etik azaroaren 15era); Mai Egurzaren omenaldia Liburutegi Nagusian (azaroaren 21era arte); eta Conflictivos Productionsen kabinetea Okendon, 4an ixten dena, egun horretan 12:30ean bisita gidatuarekin. Donostiatik kanpo, Irungo CBAn, Stéphane Levalloisen La metamorfosis de Kafka, azaroaren 14ra arte.
• Epaimahai ofiziala —prentsa-oharrak nazioarteko film laburren ondoan jartzen du—: Oriol Estrada Asiako kulturaren dibulgatzailea, Iratxe Fresneda zinemagilea eta Morena Filmseko María Teresa García Mora.

Astea, gainera, Noviembre Fantasmako bost jaialdietako bat da; aurten Vilagarcía de Arousako Curtas gehitu zaio Fancineri (Malaga), TerrorMolinsi eta Isla Calaverari (La Laguna).

Aldaketa bat Animedonen

Behin betiko egitarauak egunez aldatzen ditu Animedonen bi estreinaldi, urriaren 20an iragarritakoaren aldean: Grotesqqque urriaren 31ra, larunbatera, pasatzen da eta Peleliu azaroaren 1era, igandera, biak 19:00etan Victoria Eugenian.