Uztaila, Dbus-en historiako bidaia gehien izan dituen hila, eta iraila, bizikleta publikoaren onena
Uztailetik irailera 9.517.713 bidaia egin ziren hiri-autobusetan eta bizikleta publikoan; bi zerbitzuek inoiz izan duten erabilerarik handieneko hiruhilekoa da. Uztaila izan zen Dbus-en historiako hilik onena, eta iraila, Dbizirena.
Udak errekor bat utzia zuen jada Donostiako garraio publikoan, Dbus-en sei milioi bidaia baino gehiagorekin uztailean eta abuztuan. Irailak luzatu egin du: 2026ko hirugarren hiruhilekoa da Dbus-en autobusetan eta Dbizi bizikleta publikoan bidaia gehien erregistratu diren aldia. Bien artean 9.517.713 batu zituzten, 2025eko uztailetik irailera baino 344.145 gehiago.
- Uztaila: 3.060.458 Dbus-en eta 153.653 Dbizin.
- Abuztua: 2.959.661 Dbus-en eta 142.212 Dbizin.
- Iraila: 3.046.415 Dbus-en eta 155.314 Dbizin.
- Hiruhilekoa: 9.066.534 Dbus-en eta 451.179 Dbizin.
«Gero eta jende gehiagok aukeratzen ditu alternatiba jasangarriak Donostian mugitzeko», dio Olatz Yarzak, Mugikortasuneko eta Garraio Jasangarriko zinegotziak.
Dbus: uztaila, bere historiako hilik onena
- Uztaila da Dbus-en historiako bidaia gehien izan dituen hila: 3.060.458. Irailak ere, 3.046.415 bidaiarekin, hiru milioiak gainditzen ditu, Dbus-ek 2025eko urrian gainditua zuen muga.
- Irailak, gainera, lanegun bateko batez bestekorik onena utzi du: 112.482 bidaia.
- Urtarriletik irailera, Dbus-ek 25.693.396 bidaia daramatza, 2025eko hilabete berberetan baino 578.002 gehiago. Lehen seihilekoa bere historiako onena izan zen jada.
- Erdialdearen eta Illunbeko aparkaleku disuasorioaren arteko anezkak 21.813 bidaia egin zituen uztailean eta abuztuan, iazko udan baino % 24,79 gehiago.
Urtarriletik irailera gehien erabilitako bost lerroek bidaien % 46 biltzen dute:
- 13 Altza: 3.205.749.
- 28 Amara-Ospitaleak: 3.184.145.
- 5 Benta Berri: 2.047.233.
- 17 Gros-Amara-Miramon: 1.788.368.
- 26 Amara-Martutene: 1.637.967.
Dbizi: iraila, sortu zenetik hilik onena
Bizikleta publikoak 451.179 bidaia egin zituen hiruhilekoan, 2025eko aldi berean baino % 14,82 gehiago (392.933). Iraila, 155.314 bidaiarekin, Dbizi martxan jarri zenetik, 2020ko abenduan, bidaia gehien izan dituen hila da.
Urtarriletik irailera 1.146.877 bidaia batu ditu, iaz baino % 18,52 gehiago, eta uda honetan 16.876 abonatu izatera iritsi da.
Hiruhilekoan bidaia gehien izan dituzten geltokiak:
- Miraflores markesa (Kontxa): 36.023.
- Bretxa: 35.713.
- Udaletxea: 31.132.
- Easo: 30.565.
- Satrustegi 1: 27.474.
Iruzkinak
Iruzkinik ez
Oraindik ez dago iruzkinik. Han egon bazara, edo hurrengoari balioko dion zerbait badakizu, kontatu.
Iruzkina egin nahi duzu?
Iruzkinak egiteko kontu bat behar da, doakoa da eta minutu batean irekitzen da. Iruzkinak irakurtzeko, ez.
