«SCALA. The Music / Is the Body / Is the Word», Debris Stevenson
Tabakalerako eskailera handia igo eta eskailerak erantzun diezazun.
Obra Tabakalerako eskailera nagusian dago, eta igo egin behar da ikusteko —edo, hobeto esanda, gerta dakizun—. Debris Stevensonek mailak zentzumen anitzeko elkarrizketa bihurtu ditu: igotzen den heinean, publikoa ahozko inprobisazioek, ekolaliek eta bibrazioek interpelatzen dute.
Stevensonek intersekzionalitatean, ustekabekoan eta bidegabean lan egiten du beti, eta esparru horretan ohikoa ez den tresna batekin egiten du: bere publikoa dantzatzea, galderak egitea eta barre egitea lortzen du. Berak polilogo multisentsorial deitzen dio, «inprobisazioen, estimuluen eta ekolaliaren kristalizazio bat».
Bidenabar ikusi ezin diren obretakoa da, eskailera baita eraikineko beste edozein lekutara joateko nahitaezko bidea.
Non eta noiz
Tabakaleran, asteartetik igandera 10:00etatik 21:00etara, eta doan. 2026ko abuztuaren 6tik irailaren 29ra.